होली

होली गीत

************

आई रैछौ रंग रंगीलो होली क त्यारा 

डाइ- बोटो में ऐइ गे बसंती बहारा ।।

ओ--

बागों में खिली चंपा चमेली

कै बुरांश त कै फूली प्योंली,

ब्योली जसी धरती छाजी 

पौनै फुहारा--

डाइ-बोटो में ऐइ गे बसंत बहारा।।

ओ---

फूली सरसों य फूलीगे दैंणा 

ऐगो रसीलो फागुन म्हैंणा,

परदेसी सब घर ऐ गयी 

देबि है गे दैणा--- 

डाइ बोटो में ऐइ गे बसंती बहारा 

आई रैछौ रंग रंगीलो होली क त्यारा।।

ओ---

भांगै खट्टै आलू का गुटूका 

गूडक कटकी चहा क घूटूका 

आओ! झूमि ल्हियो गीत सुणूंनू---

गुलाबी शरारा ...

डा इ-बोटो में ऐइ गे बसंती बहारा।।

कैलाश सिंह चिलवाल 

बनौङा सोमेश्वर अल्मोड़ा

( वर्तमान- लखनऊ से)

11/3/2024

साभार:- फोटो न्यूज 18.

**********************

ब्योली- दुल्हन 

पौनै- पवन की 

देबि- देवी मां 

दैणा- आशिर्वाद 

भांगै खट्टै- भांग की चटनी 

गूडक कटकी- गुड़ के साथ चाय