rajneeti

राजनीति कच्यार मे मथोंवा मथोंव

तुमी  मालिक छा मे तुमर  सेवक छु

तुमी  स्वामी छा मे पोहरदार  छु

निर्झरक्या  आवों पोलिंग  बूथ मे

चुनाव चिन्ह के ध्यान ल  देखि बैर बटन दबाओ

क्ये  त्यर  क्ये  म्यर  

य पोलिंग  बूथ मे बार घण्टक म्यर  ड्यर 

तु मुहर बटन दबै  बै  धर जा बक्स मे 

नेता सोचे रई  हम तुके  टरके द् यूल सस्त  मे

हमर जीती बाद दगाड़ झन  लागिये

तुके  भबरे द् यूल रस्त  मे

आब हमार  पॉच  साल कट जाल  मस्ती मे

किलेकी

कर्मण्येवाधिकारस्ते  मॉ  फलेषु कदा चने

यसिकै आपुण किमती  बोट दिने  रैजै

य बोट दियक  तुके  पुण्य मिलल

और हमुके  जितियक बाद धन पॉवर कुर्सी मिलल

ले पे   एक  आद पवू पी बैर घर न्है  जा

आघिल चुनाव है पैली  

ना हम दैखियूल 

ना तु दैखिये

कविता- देवेन्द्र सती 

पपनैपुरी  पाखुडा

पिठ्या

हमर कुमाऊंक  शान छू पिठया 

घर आई अतिथिक सम्मान छू पिठया

घरबटी निकलन ह पैली आशीष छू पिठया

ख्वर मे इजक अशीक छू द्वी आंगुल  पिठया

बिछुड़न बखत भावनाऊंक अंबार छू पिठया

अक्षत, चंदन , कुमकुमक संगम छू पिठया 

ध्यान केंद्रित करनक एक उपाय छू  पिठया

ब्या काजन में नांतिनक चुंगी लै छू  पिठया

बंद मुट्ठी में च्यापबेर धरी गेईन नोटूंक 

सुखद एहसास लै  छू पिठया

नाक बटीको खवर तले एक धार छू पिठया

काचहल्द,चूख और सुहागाक मेल छू पिठया

बरातियूंक गिणनक एक पछयाण छू पिठया

हमर संस्कृतिक पछयाण छू पिठया

(आभा)19.11.20