भारत कि जनगणना - 2027
-------------------------------------------
भारत कि भवनगणना 2027 में,
पूछी जाणी तैंतीस सवाल।
क्ये चीजल बणी छैं भवन,
कस छैं भवनोंक हाल।।
फर्श क्येकि बनी छु,
मा्ट लाकड़ ईट सीमेंट।
दीवाल ईट और पाथर मस्याल गार,
छत में कंक्रीट, टाइल्स लगी छु सार
मकान क् उपयोग रहणक लिजी,
या उमें चलण लै रै दुकान ।
परिवारम् घर में कतु लोग छैं,
क्ये छु मुखियाक नाम।।
घरकि मुखिया महिला छु,
पुरुष छु या फिर ट्रांसजेंडर।
क्वे श्रेणी में आँछा तुम,
मकान छु कैक अंडर।।
घर में कतुक कमर छैं,
घर में कतु विवाहित ज्वड़ छै।
मुख्य स्रोत क्ये छु पेयजल,
हैडपंप कुँआ ट्यूबवैल या नल।।
शौचालय घर क् भितेर छु,
या फिर छु घर क् बाहर ।
बिजली कैरोसिन सौर ऊर्जा ,
क्येल रोज उदंकार हुछ घर ।।
पीण क् पाणि कब-कब आणौ,
नल हैडपंप कुँआ प्रकार बताणौ ।।
बेकार पाणिकि निकासी कसिक ,
सीवर सोकपिट नाली बणायी लोग
ना्णक लिजी आपण बाथरुम छैं,
या सामुदायकक करण रयी उपयोग
रसोई घर क् भितेर छु या छु बाहर,
भोजन कती करी जां तैयार।
रेडु /टांजिस्टर छु या ना ,
मिकैं बतै दियो एक बार।।
घर में टेलीविजन रंगीन छु ,
या फिर छु ब्लैक एंड हृवाइट।
इंटरनेट सुविधा कंप्यूटर उपलब्धता
कृपाकरि जवाब दि दिया राइट।।
टेलीफोन/मोबाइल फोन है छु,
स्मार्टफोन छु या फिर साधारण।
इंटरनेट सुविधा मोबाइल में,
हमुकैं जुटाण छु सही विवरण ।।
साइकिल स्कूटर मोटरसाइकिल,
कार जीप वैन जो छु तुमर पास।
यैकि जानकारी हमुकैं बतै दियो,
जो आपूंक सफर बनाछ खास।।
चावो ग्यौ बाजुर ध्वग और लै,
मुख्य रुपल क्ये खांछा तुम अनाज,
आखरी में मोबाइल नंबर बतै दियो,
म्यर लै पुर है जा्ल आजक काज ।।
जनगणना बै जनकल्याण में,
महारजिस्ट्रार जनगणना अधिकारी।
सफल बनाण राष्ट्रीय कार्यक्रम कैं,
हम भारतवासियोंकि छु जिम्मेवारी चार्जअधिकारी सुपरवाइजर ईएन
कर्त्तव्यनिष्ठ बणि जुटी छैं दिन रात।
युं आँकड़े देशक विकासम् सहायक
भारत उन्नति करल हृवल नव प्रभात
------------------०-------------------
कृपाल सिंह शीला (स.अ.)
प्रगणक (En.), भिकियासैंण
अल्मोड़़ा (उत्तराखंड) 263680
मो./हृवटसैप- 9410501465
