*य पहाड़*
य म्यर जमीं य म्यर पहाड़
म्येरि रंगतों क शान छू.
य म्येरि जन्मभूमि य म्येरि कर्मभूमि य म्यर स्वाभिमान छू.
रंगिल कुमों छबिल गढ़वाल उत्तराखण्ड क मान छू
आस्था क चारों धाम या म्यर गढ़ कुमों शान छू.
य रंगिल पहाड़ धत्यूरिं आपणी माटी कें
सुणूहूं तरस गी य गध्यारों क छक्बकाट कें
बुलों री आपण आपणों कें जो छोड़ गी पहाड़ कें
कर रो पहाड़ आपूणाक लौटनक इंतजार
दुनियक शहरों बै कतू भल छ य पहाड़.
सुकुन क दूहर नाम पहाड़ जडी़ बूटियों खजान पहाड़
अद्भूत दुनियक प्यार पहाड़ ऋषि मुनियोंक तपोभूमि पहाड़.
बिषम परिस्थितियों मे ले ठाड़ पहाड़
धैर्य संघर्ष साहस क शिक्षा द् ये य पहाड़.!!
@देव सती पहाडी़ बटोही
कोई टिप्पणी नहीं:
एक टिप्पणी भेजें