ईज बोज्यू व घराक ईष्ट

--*ईज बोज्यू व घराक ईष्ट*--

ईज बोज्यू क सेवा कर ल्यों
तुमार चार धाम है जाल

जप ल्यों आपण ईष्ट क नाम
बिगडी तुमार सब काम है जाल

ईष्ट देवों हूनैं तू किलै छे परेशान
ईज बोज्यूक सेवा मे छ हर समस्या क समाधान

जप ल्यों ईष्ट क नाम तुम द्वी हाथा के जोडि

ईज बोज्यूक सेवा छ सार मुसीबतों तोड़

जीवन जस पापों क गध्यार मे ईष्ट देव छ पुल

ईज बोज्यूक सेवा पार लगे दूनी मे उनेके नै भूल

घराक ईष्ट सबूक छ कभै उनुके ले भज बैर देख

बनेलि तुमरि ले बिगडि ईज बोज्यूक सेवा करबै देख

ईष्ट क महिमा जैल नी जाणि
उ छ मुर्ख महा अग्यानि

ईज बोज्यूक सेवा जो करु बिक नी हून कभै हानि

ईज बोज्यूक सेवा करि ल्यों जिंदगी मे मिलल सुकून

घराक ईष्टोंक शक्ति ले हमुकै मिलल जुनून!!

देव सती
पपनै पुरी(पाखुडा बटि)