🏞म्यर पहाड़🏞
ओरे पहाड़ म्यर पहाड़
कतु भलि लागि त्यरि य ठण्डी बयार
त्यार काफों हिसाऊ घिगांर किलमोड़
खाहू मन करु बारबार
त्यार स्याप जास सड़क
शेरुक गीच जा पाणिक नोउक नल
ठण्ड मिट्ठ पाणिक लिजीक तरसू बारबार
बाटोंक बाट उबड़ खाबड़
बाटों मे पिरुवेक बहार
उ सिढिदार हांग
क्वे ठूल ठूल क्वे नान नांन
फरफराणि हावक जोर
उ घुघुतीक मार्मिक शोर
सुणुहू मन करु बारबार
ओरे पहाड़ म्यर पहाड़
उ गोलू भूमियक मन्दिरक भेट पखोव
कतु भल लागू हरिया बाजाणिं स्योव
भात दगे पाऊवक काप भटाक डुबुक
खाण हू मन करु बारबार
ओरे पहाड़ म्यर पहाड़
आब तो सुण ले तु म्यरि पुकार
कोई टिप्पणी नहीं:
एक टिप्पणी भेजें