ओsssओs ओ ssssssओsओsssओsssओssओ
पुरूखन की कुड़ि बाड़ि कशि बांजि गई
कि जाणि पुश्तन की कशि माया मरि गई
हरिं भरि खेति पाति कशि देखि रूंछि
गोरु बाछा भैंसि कशि दौणि छाजि रूंछि
आमा को तुलसि वृंन्दावन टुटि फुटि गोछ
इजा बणाइं बसुन्धारा धूमिल है गयीं
खला की भिड़ि बीच में ठुल ढुंग अब कहां छु
बड़बाज्यु बौज्यु जैमै ह्युना घाम पड़ि रूंछि
वाल् घर पाल् घर सब तालि लागि रयीं
तालिन में लै देखौ कशा बोट जामि गयीं
देसन में बसि रया ददा बैणि भुलियो
कभै कभै ऊंने रया तुम लै भल चिताला
पुश्तन कि कुड़ि बाड़ि मरोमत करै लियौ
पहाड़ की हवा पाणि संस्कृति बचै लियौ
छाड़ि दिंछा छोड़ि दियौ मन बणै लियौ
यां वां लेकिन आपूं कैं पहाड़ि लै नि कवौ
#USPlyrics
कोई टिप्पणी नहीं:
एक टिप्पणी भेजें