पिठ्या

हमर कुमाऊंक  शान छू पिठया 

घर आई अतिथिक सम्मान छू पिठया

घरबटी निकलन ह पैली आशीष छू पिठया

ख्वर मे इजक अशीक छू द्वी आंगुल  पिठया

बिछुड़न बखत भावनाऊंक अंबार छू पिठया

अक्षत, चंदन , कुमकुमक संगम छू पिठया 

ध्यान केंद्रित करनक एक उपाय छू  पिठया

ब्या काजन में नांतिनक चुंगी लै छू  पिठया

बंद मुट्ठी में च्यापबेर धरी गेईन नोटूंक 

सुखद एहसास लै  छू पिठया

नाक बटीको खवर तले एक धार छू पिठया

काचहल्द,चूख और सुहागाक मेल छू पिठया

बरातियूंक गिणनक एक पछयाण छू पिठया

हमर संस्कृतिक पछयाण छू पिठया

(आभा)19.11.20